سألني صنعتك
قلت له نصاب
قال لى حرام عليك
لو جيت ع الغلابة
هيدعو يوم عليك
و لوجيت ع القوي
هيجيبك بالقوي
و يبقي حرام عليك
يا بني لساك صغير
و العود لساه خضار
اجري اتعب تلاقي
في حياتك يوم عمار
يا والدي صبرك علي
اسمع مني القضية
و قولي ع الضحية
و احكم في المنتهي
يوماتي أصحي نفسي
أبيع لها بكرة
الدنيا هتبقي وردة
و عربنا كله وحدة
ومصريتنا جنة
و الناس ماشية شاكرة
ميه و أكل و دوا
و حلمنا بنلمسه
و تعبنا بنحسه
و يشبعنا كمان
و العجب بتصدق
و تقولي فول كمان
و لا يوم قالت لي لأ
و لا ده كلام جنان
أصله كلام مرسوم
بالحرفنة موزون
و النصب ده صنعة
و مش صنعة هينة
و يوم و التاني قلت
أعيش حياتي جد
أعرق و أتعب بكد
قلت لها ع الحقيقة
كل الى كان ده كدب
و عهدي من النهاردة
حياتي هعيشها جد
و من يومها عيونها
هربت منها الدموع
خايفة تبكي لتصرخ
و يزيد الجرح شوك
و سكت بينا الكلام
لا صباح و لا مسا
و زاد بينا الخصام
و راح منا الصفا
طنشت و قلت عدي
بكرة الأيام تهدي
و تلاقي الدنيا وردي
و الحلم نشوفه جد
و شمرت الدراع
علي طريق الكفاح
لقيتها دنيا ناسية
مرارتها مرة قاسية
و البسمة فيها غايبة
و العقل زي الجنون
و جريت ورا ضي نور
هناك مدفون في عتمة
و العتمة جوه روحنا
عطشانة لضي نور
و رجعت لي نصاب
أبيع لي السراب
و أنا يا والدي
الجاني
و أنا كمان الضحية
تحويل كودإخفاء محول الأكواد الإبتساماتإخفاء